حبته بدون اي مقدمات..فجاءه اكتشفت انه هواها اللي تتنفسه!!
عرفت انه يبادلها نفس الشعور (بس بنسبه متفاوته)اعترفو لبعض بشكل جنوني وعاشو احلى قصه حب طارو فوق السحاب وبنو احلامهم سوا فكرو بكل التفاصيل الجايه لحياتهم حتى اللاشياء الدقيقه من البيت وترتيبه والزواج وتفاصيله الي العيال واساميهم ...
كانت ماتنام لين تسمع صوته..
ومايقوم الاعلى صوتها..
وبعد فتره اعترف لها ان عنده مشاكل شخصيه تمنعه من انه يرتبط فيها وانه لازم يقطع علاقته فيها لين يحل مشكلته واخذ منها وعد انها تنتظره وهي عند الوعد..
>>فشلت الخطه ورجع كلمها بسبت رسايلها ولهفتها اللي ماتوقف ..وقالت له خلني معك بكل لحظه ومشاكلك بنحلها سوا لاتبعدني عنك ومع بعض بنصير اقوى صدقني..
ورجعوا اقوى من اول وطارو فوق السحاب...
وفجاءه بدون اي مقدمات ..تركـــــــــــــــــــــــــــها..!!؟؟
تدق باليوم 1000 مره وترسل 100 رساله مابين رجاء وخوف وعتب اشتياق وصدمه..!!!
وفجاءه بعد رجع دق يقولها بكل برود انا كانت عندي مشكله وانحلت انا فرحان اول شخص كلمته انتي ..
مادري وش كان ينتظر منها؟؟
هي حاله صدمه ماتدري تفرح فيه ولاتحافظ على كرامتها الباقيه وتزعل على الاقل..
وماامدى فرحتها كملت..
ماامدها فرحت..
رجع اختفى بدون اي مقدمات..
كالعـــــــــــــــــــــــــــــــــــاده..
ورجعت لها الحاله رجعت تدق وترسل زي المجنونه كانت تتخيله معاها بكل لحظه..وكل ليله تنتظره
وبعد بدون اي مقدمات ارسل لها انسيني ارجوك انا ماقدر اوعدك بشي ولا ابي اكذب عليك صدقيني مابي اوعدك بش مااعلم الغيب عنه...وكلمها
..بعد طلب منها ووعد انها مارح ترجع تدق عليه..
كلمها وفهمها وجه نظره انه مايبي يعيشها باحلام ولاينفذ لها شي وانه يخاف الله فيها وانه يفكر بعقله مو بقلبه وانها خلاص لازم تشوف حياتها مايبيها تتعلق فيه اكثر كانت نظريته واضحه ومفهومه بس هي اللي ماتبي تفهم..كان يقول لها هالكلام وبمسامعه يمر صوت بكاها ودموعها وهي تنزل وصوت شهقاتها اللي تقطع انفاسها..
يقول:يابنت الناس مابي اكذب عليك انا عارف نفسي و وضعي مشاكلي مارح تخلص..
وكانت تقول له: ابيك بكل مشاكلك..
وهو مايبي منها حتى صوتها..!!!
وفكر وانتهى موضوعه معاها بس هي بدت معانتها معاه ..
ماتقبلت الوضع كل يوم ترسل له او بعنى اصح باليوم كل شوي ترسل له..
وهو ولا رد..
>يحسبها بتنساه بكل سهوله مايدري انه كان بالنسبه لها اصدق حب عاشته وبتعيشه ..الحب الحقيقي..اللي الناس يتكلمون فيه والشعراء يكتبون عنه..
تركـــــــــــــــــــــــــــــــــــــــــــــــ ـــها...
مابقى شي ماحست فيه..تعبت اهلها مايدرون وش فيها امها تصيح عليها وعزتها..تاخذها من مستشفى لمستشفى تشوف وش علتها...
وهي نشفت عيونها من البكااااااا
واخير..منعها حتى من الرسايل يقول لاترسلين ولابسوي لرقمك حجب حرمها من الشي الوحيد اللي تحس فيه انها معاه..ورجع يحاول يفهمها وجه نظره بس مو راضيه تفهم..ان الحب ممكن ينتهي بكلمه..!!!
***
يا دعوتي بأول وتالـي صلاتـي
ويانيتـي مـادام بالحـب نيـة
وياحلم صحواتي وغفوة مباتـي
ويارغبتي من بين كـل البريـة
أحاول أجمع في غيابك أشتاتـي
بعضي معك عيا يفارق خويه
***
الإثنين أغسطس 04, 2008 4:04 pm