<][][ عـطـلة الـصـيــف ][][>

. . . . <][][ عـطـلة الـصـيــف ][][> . . . .




قالوا تولم قربت عطلة الصيف

وش عذرك اللي تعتذر فيه عنا

يم الديار اللي بها يوجد الكيف

يدله بها راعي السفر ويتهنا

رحلة وناسه واندماج وسواليف

واللي يبي راهي ٍ على ماتمنا

والجو بارد ماش عج وعواصيف

وحدايق من كل الأصناف غنا

قلت اتركوني ما عليها تحاسيف

ولا فيه شي يسـتحـق اتـعنا

ما ني خوي اللي يريد الغطاريف

مهما يقول من الكلام ويزنا

أنا بدار ٍ شعبها يكرم الضيف

كلٍ يقول معزب الضيف حنا

على معزه نحمد الله وتشريف

أمن وأمان وصيفنا بين أهلنا

ما الله بحاديني على الشام وجنيف

مـدام يوجـد مثلها في وطنا

يا خال ليه البهذله والتكاليف

تقـول كلٍ من بلاده مــجنا

بكره تجون من السياحه مناكيف

البال ضايق والمخابي فضنا

محد كسب غير التعب والمصاريف

كـلٍ يقـول فلوسـنا ما كفنا

غدوا بها اللي للدراهم حراريف

طارت وحنا بالحيل ما فطنا

بين الفنادق والمراقص تناتيف

واللي بقاء مناك وأحيان منا

لو أنها بـبلادنا مابهـا حيـف

على الأقل فلوسنا في وطنا

بقلم :

الــوافـــــي

@@@

اقتباس :

والجو بارد ماش عج وعواصيف

وحدايق من كل الأصناف غنا

لا تقهرنا الله يرحم والديك




ابيات رائعه وجميله


يعطيك العافيه


وما قصرت


الله لا يحرمن من قلمك




تقبل تحياتي

أخوك

كــلــى شــمــوخ




@@@