حبيبي والسهر دمعـه وجفنـي للسهـر شبّـاك *
* وطيفك غيمـةٍ مـرّت سمـاي بكـل عفويّـه
احبك / قل معي أمين / يا جعلي أمـوت فـداك *
* لأنك كل ما املك في حياتـي / واكثـر شويّـه
أحبك كثر مـا تكـذب علـي بسالفـة لقيـاك *
* واحبـك كثرمـا تربـت علـى قلبـي بحنيّـه
انا بسألك لو جف البحر وش حيلة الأسماك ! *
* !بجاوب عنك لو تسمح / تمـوت ومالهـا ديّـه
تصدق من كثر ما احبك اتوقـع كـذا بانسـاك *
* غريبـه !! صـح / لكنـي باخليهـا طبيعيـه
تخيّل كل يوم اسهر/انام / اصحى / على ذكراك *
* وانا اسولف مع اصحابي أشوفك تحضن يديّـه
وانا اطالع وجيه الناس اشوفك بيـن ذاك وذاك *
* وانا جالس لحالي مـا معـي غيـرك حواليّـه
تخيّل بعدها لا صرت اسولف لك وانـا ويّـاك *
* بافكر فيك والا فيـك جاوبنـي ؟ علـى ذيّـه
لأني وبصراحه ميت بهمسك وضحـك شفـاك *
* أخـاف فحبـك اتجـاوز حـدودي الائتمانيـه
تحيتي
فراشه الحب
الأحد أغسطس 10, 2008 10:13 pm